من طبعي أرد الإساءهـ { بالاحسان }
وأساير ظروف الزمان اللعينه ..



وأطوف الغلطهـ من { فلان .. وفلان }
يعني من أجل { عين } تكرم مدينهـ ..



الكامل الله والخطا طبع { الانسان }
والدرب يفرق عن يسارهـ ويمينهـ ..



و { ـالصاحب } آللي لهـ معزهـ ولهـ شان
ان جاني بـشينهـ .. تذكرت زينهـ ..



أتحمل اخطاءهـ معي { قدر الامكان }
من جانبي تبقى العلاقهـ متينهـ ..



واللي { يغلطني } وأنا ماني بغلطان
أصابعي أحطها { وسط عينه } ..



مادامني مسلم وفي قلبي إيمان
عمر{ البحر } ماشال هم السفينة ..



مرت علي { أنواع .. وأشكال .. وألوان }
بين { العقول } الناقصهـ .. والرزينهـ ..



عندي قناعه ان { الإنسان شيطان }
إذا يهينكـ { لازم } إنك تهينـهـ ..



يعني إذا حاجتكـ { بيدين عدوان }
يكفيكـ شر المهزلهـ .. والغبينهـ ..



من{ كثر ماجاني } من الناس خذلان
تحرجني حتى كلمة { الله يعينهـ }



صحيح لي { ربع .. وجماعهـ .. وخلان }
وأضيق لكن حاجة الناس .. شينهـ



الشخص دام إنه بكل شي { خسران }
تأكد إنهآ من عمايل { يدينهـ } ..



من مرحلة { حب .. ومشاعر .. وحرمان }
إن مالعنت الحب تلعـــنهـ سنينهـ ..



اكتب شعر واعزف من { أشواقي ألحــآن }
واسلي قلوب الغرام الحزينـهـ ..



ولو الشعر مخلوق في { هيئة انسان }
والله لأقول تسلم { واقبل جبينهـ,,,}