شخص متعقد من المكياج :) :)

[% نورس المحيط %]

قصيده كتبها واحد متعقد من المكياج يقول
:


يا صانع المكياج الله يجازيك
خليتني مخدوع في شكل خلّي

الله يحرق مصنعك مع مبانيك
والمعرض الموجود في بيكاديلي

أدعي عسى تعمى وتنشل رجليك
هذا دعائي دوم لا جيت أصلي

خليتني أركض ورا البنت هاذيك
واشوفها أجمل غرام ٍ حصل لي

قلبي عشقها يا(جيفنشي) توماتيك
وان شافها قلبي يرحب يهلّي

هي رحبت بي وقالت الله يحييك
وقالت هلا باللي عشق زين شكلي

وقالت أنا أجمل بنت في اللي حواليك
شف حسني الأخّاذ وروجي العسلّي

طالعتها ثم قلت هالقلب يبغيك
ومن شاف حسنك خلّى غيرك يولّي

أبغي أشوفك دون مكياج يكسيك
وأبغي أشوفك بالجمال المحلّي

قالت تبيني أفرك الوجه تفريك
وأشيل هالبودر وروجي وكحلي

قلت أي نعم قومي عسى الروح تفديك
أبغي جمالك هالطبيعي يهلّي

قالت دقايق راجعه لك واراويك
ذاك الجمال اللي لعينك يسلّي

ويوم رجعت لي شربكتني الشرابيك
وحسيت الأرض تدور وأنا بمحلي

الخد كنه يا(جيفنشي) سيراميك
والوجه شارع مثل شارع حولي

الوجه كنّه بيت كله شبابيك
من هالحفر في وجهها اللي يعلّي

كله سبب مكياجك الله يجازيك
خليتني مخدوع في شكل خلّي

ونصيحتي لكل شاب من غير تشكيك
لا لا اتسرع ثم تنغش مثلي

اللي بلا مكياج خلها حواليك
واللي تحط مكياج ...

خلّها تولّي